張頴康兌現太太歐遊承諾 出發前先「自宮」免搞出人命

張頴康係圈中嘅愛妻號，同拍拖4年嘅麥雅緻喺2012年結婚，先後喺2014年、2017年同2021年誕下大女小豆、大仔小花生同細仔小蛋黃，一家五口不時喺社交平台分享幸福生活相，阿康忙於幕前工作，亦重視同太太嘅重要日子，必定安排二人世界食飯慶祝。

張頴康係圈中嘅愛妻號，忙於幕前工作，亦重視同太太嘅重要日子。

嚟梗下個月，阿康將會隨新劇《巨塔之后》飛到布柆格取景拍攝，不此行阿康決定兌現同太太拍拖時承諾，帶埋佢一齊出發。阿康話太太好開心，兼且今次唔帶小朋友同行，實行歐洲過二人世界。

阿康將會隨新劇《巨塔之后》飛到布柆格取景拍攝，不此行阿康決定兌現同太太拍拖時承諾，帶埋佢一齊出發。

其實阿康話拍拖時答應過太太去歐洲玩，但結婚後就好快有小朋友，生完一個又一個，結果欠咗太太歐洲之旅成十幾年，太太亦一直未去過歐洲。去到咁浪漫嘅地方又係二人世界，講到會唔會喺歐洲再造多個BB，阿康就斷言話唔會再有呢件事發生，仲話去歐洲前會先「自宮」，免生意外。

阿康話拍拖時答應過太太去歐洲玩，但結婚後就好快有小朋友，生完一個又一個，結果欠咗太太歐洲之旅成十幾年。

阿康斷言唔會再造多個BB，仲話去歐洲前會先「自宮」，免生意外。