譚嘉儀獲羅啟豪及張彥博提前慶祝 生日正日孖家人遊泰國

8月13日係譚嘉儀36歲生日，呢日舉行新歌發佈會，獲粉絲為佢提前慶祝生日，更準備兩個靚靚蛋糕，好友羅啟豪及張彥博到場支持，羅啟豪更怕醜表達仰慕之情，搞到譚嘉儀心花怒放。

譚嘉儀呢日舉行新歌發佈會，又提早同大家慶祝生日

譚嘉儀指生日正日就同屋企人去泰國旅行，好開心一家人夾到時間出發，享受陽光與海灘，譚嘉儀嘅生日願望就係出新歌同再開騷，今次譚嘉儀新歌MV喺洛杉磯取景，更奉旨與外籍型男「拍拖」，譚嘉儀回想拍攝過程都覺得好正。

拍MV有型男，生日會又有兩男助陣，嘉儀真係艷福不淺