人氣爆登嘅王嘉爾,日前去到泰國曼谷,為旗下時裝品牌宣傳,吸引大批粉絲逼爆商場,除咗有粉絲支持之外,一眾人氣泰星以及當地嘅頂流人氣小熊Butter Bear亦驚喜撐場,Jackson見到咁可愛嘅熊仔都童心大發,唔單止送上抱抱,仲送埋簽名,搞到小熊都受寵若驚呀。
王嘉爾到泰國出席其品牌宣傳,吸引大批fans到場。
人氣小熊Butter Bear亦驚喜撐場。
Jackson呢次同時尚總監Mobolaji Dawodu合作推出最新系列,象徵希望同活力,Jackson呢次設計靈感,源自大半年休息嘅感悟,佢話呢兩三年發生了好多事,有好有唔好嘅,令佢開始反思人生,靜落嚟同自己對話,究竟做每一件嘅意義,係咪真係自己想做? 佢仲話之前自己生活在黑暗當中,經過七個月嘅休息,佢開始見到光明的一面。Jackson又向粉絲大派定心丸,宣布有音樂同時尚方面嘅發展大計,發展重心仲包括香港,所以佢話而家要好好準備,強勢回歸。王嘉爾到泰國出席其品牌宣傳。