黃智雯胡鴻鈞何遠東「降魔的」聚會 馬國明被召喚：做乜冇預我

劇集《降魔的》兩輯播出時風靡一時，「小馬」馬國明、「石敢當」胡鴻鈞（Hubert）及「芷若」黃智雯（Mandy）呢個組合更係劇中經典，而喺第一輯飾演馬明的士同行嘅「龍貓」何遠東「慘死」一幕亦令觀眾難忘。

黃智雯、Hubert日前就同阿東相約聚會，更為即將有舞台劇演出嘅阿東打打氣。

雖然劇集《降魔的》已完結多年，不過演員之間嘅情誼並無減退！黃智雯、Hubert日前就同阿東相約聚會，更為即將有舞台劇演出嘅阿東打打氣，黃智雯更喺IG留言：「傾到由雷雨變陽光普照，難得的組合。」文末更叫「石敢當」Hubert快啲幫手召喚馬明，而阿東亦喺IG留言應承大家下次約埋馬明。

雖然「小馬」未有出現喺聚會，不過馬明有被召喚成功，馬明喺黃智雯IG現身留言。

雖然「小馬」未有出現喺聚會，不過馬明有被召喚成功，馬明喺黃智雯IG現身留言：「做乜冇預我……」，阿東搞笑稱係有啲啲開始掛住馬明，而馬明則鬼馬表示：「依家先開始……」阿東再回覆：「好啦，我實安排到見你。」雖然二人只係文字上嘅交流，一來一往互動都感受到佢哋兄弟間打打鬧鬧嘅友誼，而阿東亦好感謝Mandy、Hubert呢次特地為佢打氣。

雖然劇集《降魔的》已完結多年，不過演員之間嘅情誼並無減退！

阿東亦喺IG留言應承大家下次約埋馬明。