21屆美國華裔小姐競選總決賽 陳展鵬任嘉賓唱功獲讚 何楚寧成四料冠軍

《2024年度第21屆美國華裔小姐競選》總決賽於8月3號隆重舉行。應屆10位決賽佳麗可謂才貌雙全，均係著名學府嘅學霸，佢哋經過選美會兩個月特訓，喺決賽舞台上爭奪頭銜，「2024第21屆美國華裔小姐」結果由奪得「完美體態獎」、「最佳旗袍美態獎」、「最佳晚裝演繹獎」嘅大熱何楚寧勇奪四料冠軍，亞軍係潘家蕊、 季軍獲張丁元，而來自香港入讀紐約大學嘅李慧明則奪「最佳短片獎」。


左起_出爐美國華裔小姐亞軍潘家蕊、冠軍何楚寧、季軍張丁元

10位候選佳麗一身牛仔風舞蹈揭開當晚比賽序幕，緊接係晚裝、泳裝、辯論、才藝三強，以及五強問答。今年節目跟往年唔同，開場舞佳麗以美國牛仔風造型亮相，採用西部牛仔雙人決鬥嘅精神嚟考驗佢哋嘅反應與口才。節目內容非常緊湊，應屆佳麗都係學霸高材生，因此大會把以往泳衣問答改為辯論方式，讓佳麗們喺舞台上互鬥才智。

第21屆最佳短片獎： 1號李慧明

視帝陳展鵬應邀任總決賽特別嘉賓，演唱張國榮歌曲致敬，出發前佢仲忙住趕拍電視劇《巨塔之后》。當晚陳展鵬不只同10位候選佳麗喺台上互動，佢又演唱《不再猶豫》與10位佳麗晚裝環節展示，之後演唱張國榮《今生今世》及《沉默是金》向哥哥致敬，經典金曲使到全場大合唱。

視帝陳展鵬應邀任總決賽特別嘉賓，大受歡迎。

隨著泳裝環節，佳麗以辯論方式來考驗口才同急智，之後陳展鵬再度出場唱《友共情》與現場觀眾握手合照，使場面立刻起哄熱鬧，粉絲熱情失控，喺台上再演唱《歲月如歌》，及最近熱播電視劇「逆天奇案2」插曲《後悔萬年》與10位佳麗的旗袍展示充滿古典優雅氣質。
 
陳展鵬擔任嘉賓傾力獻唱，唱功獲讚！

《2024年度第21屆美國華裔小姐》競選總決賽，得獎名單如下：
冠軍：10號何楚寧
亞軍：8號潘家蕊
季軍：6號張丁元
最上鏡小姐：6號張丁元
完美體態獎：10號何楚寧
最佳旗袍美態獎：10號何楚寧
最佳晚裝演繹獎：10號何楚寧
最佳口才獎：8號潘家蕊
最佳才藝獎 ：8號潘家蕊
友誼小姐：7號林雅雯
最佳短片獎：1號李慧明