阿姐汪明荃突破首演佘太君獲觀眾好評 《忠烈楊門》首演 楊家將大曬冷

由粵劇出品人彭美施總策劃，阿姐汪明荃率領當今粵劇界超過十多位出色文武生及花旦，集合台前幕後逾170人龐大陣容，新編粵劇《忠烈楊門》前晚起，一連四晚公演，四場全場爆滿一票難求，喺粵劇界貢獻良多嘅汪阿姐，首度演老角佘太君，阿姐事前坦言好緊張壓力好大。

汪阿姐首度演老角佘太君，事前坦言好緊張壓力好大。

汪阿姐首演佘太君保家衛國暨忠義又不失威嚴，又要演繹出痛失親人嘅哀傷，甚至改唱平喉腔調亦拿捏準確，觀眾畀阿姐如雷掌聲不絕，證明佢再一次突破演藝事業框框非常成功，三個幾鐘演出絕無冷場，融入連場激戰武場，令觀眾催淚情節，第一幕楊家將一眾文武生與花旦，由佘太君率領同台大曬冷，已令觀眾嘩聲四起。


汪阿姐首演佘太君保家衛國暨忠義又不失威嚴，又要演繹出痛失親人嘅哀傷。

汪阿姐謙稱今次演出係一個好嘅學習機會，阿姐喺謝幕時對觀眾講： 「由接到劇本，接觸呢個劇開始，我一直擔心自己點樣去做，研究咗好耐，希望今次演出唔好令大家失望。」而戲迷亦熱烈捧場拍爛手掌，謝幕嗰陣仲不斷大叫Liza演得好，「明荃之友會」更送上佘太君氣球造型力撐阿姐。

觀眾畀阿姐如雷掌聲不絕，證明佢再一次突破演藝事業框框非常成功。

《忠烈楊門》台前幕後動員逾170人，頭場雖然獲好評，吳美英喺《忠烈楊門》任藝術總監亦盡心盡力，因今次參與演出因為人太多，最困難係夾練習時間 : 「今次擔任藝術總監係戰戰兢兢心情，尤其Liza姐坐鎮，我本身幾大壓力，因為阿姐曾演過《楊門女將》穆桂英。」而阿姐即笑言 : 「今次我升呢（提升級數）啦!  」

由粵劇出品人彭美施總策劃，阿姐汪明荃率領當今粵劇界超過十多位出色文武生及花旦，集合台前幕後逾170人龐大陣容，演新編粵劇《忠烈楊門》。