丁子朗視畫畫為終身事業 森美Mayanne有意邀畫作投資

忙於幕前發展嘅丁子朗，同時都為自己嘅興趣去規劃，丁丁花咗三年時間籌備首個個人畫展，喺展覽揭幕前一日，丁丁就親自去到畫廊打點，仲獲好友麥美恩、森美、冼靖峰同Dez現身支持，丁丁亦即場講解畫作意念，佢話首次將作品公開展出，心情好緊張，唔知大家會點睇。
丁子朗舉辦首個個人畫展。丁子朗舉辦首個個人畫展。
畫展為期一個月，丁丁話唔使開工都會現身畫廊，眼見作品掛滿畫廊，佢就好滿足覺得自己係一位畫家，而最開心係有人想購入畫作收藏，更視畫畫為終身事業。
森美睇好丁丁嘅畫作有升值潛力。
一邊工作一邊畫畫，森美都好欣賞丁丁嘅毅力，Mayanne話睇住丁丁長大，一路知道對方鍾意畫畫，但唔知道決心大到要開畫展，而家更加唔只係娛樂圈度發展，仲要踩入藝術界。森美話襯而家要購入丁丁一兩幅畫作，佢話丁丁喺娛樂圈會否大紅大紫唔敢肯定，但作為藝人畫家就一定有收藏價值。曾經同丁丁出戰選秀節目《亞洲超星團》嘅冼靖峰同Dez，都大讚戰友夠多才多藝。
冼靖峰同Dez都有嚟撐場。森美同麥美恩。