金在中相隔7年再次參演電視劇 因失憶變自戀狂放笑彈

金在中及陳世妍主演嘅韓劇，拍攝完成2年幾終於面世，呢日佢哋聯同李鍾元及楊惠智出席製作發布會，金在中相隔7年再次參演電視劇，笑言好期待年邁嘅父母睇到佢嘅演出，成為家人一個開心嘅話題。

金在中時隔多年之後終於再次演出劇集

金在中多年嚟因與舊公司嘅糾紛，喺韓國發展難免受到影響，唔少粉絲見到佢可以再次喺圈中大展拳腳而開心，金在中亦透露呢個作品有好多喜劇元素，包括因失憶變得自戀，絕對係零偶包演出，又指導演同工作人員好用心去拍攝，佢都好期待大家收睇呢個作品。

新劇當中仲加入唔少喜劇元素，佢亦完全效低偶像包袱演出