陳展鵬LA開騷大成功 親解荷李活山五環之謎

陳展鵬 作為前香港乒乓球隊前成員，就算去到美國開演唱會，都一樣關心奧運呢件體壇盛事。日前佢喺洛杉磯完成演唱會之後，亦去到當地著名景點荷李活山嘅Hollywood標誌度打卡，仲為大家解開一個奧運閉幕禮嘅謎團。

煎Pan於美國演出後，特別到荷里活山拆降奧運五環之謎

佢就為大家直撃巴黎奧運閉幕禮上，到底Tom Cruise親手打造嘅奧運五環仲喺唔喺度，最後發現荷李活還原做原版，展鵬更配文抒發心境話：「巴黎奧運圓滿閉幕，見到Tom Cruise最後嗰幕真係好型，好似拍戲咁，所以今日專程過去荷里活影張相，希望可以影到荷里活(荷李活)五環結果係好乾淨，乾淨到同我心境一樣.. 最近邊度都好肚餓，點講呢？……」

演出之後佢已經火速重返劇組拍攝新劇喇

展鵬覺得呢幕荷李活五環係動畫特效製作而成，但據外國傳媒報道呢幕其實早喺今年三月時秘密拍攝，等到閉幕禮先播出。

喺美國開完騷嘅展鵬，隨即趕到佛山繼續拍攝劇集《巨塔之后》，不過佢透露LA演出好成功，現場氣氛好好，除咗唱自己歌《後悔萬年》之外，亦有獻唱大熱金曲好似《不再猶豫》同陳奕迅嘅《我的快樂時代》等。因為反應熱烈，所以傾緊農曆新年再喺美國搞巡演。

佢仲話因為今次反應熱烈，已經準備再到美國登台

另外因為奧運閉幕禮中有倒吊彈鋼琴嘅表演，令網民聯想到展鵬當年喺TVB 50周年台慶反地心吸力打鼓嘅表演，大讚展鵬當年嘅演出超級超前。

奧運閉幕嘅凌空打鼓，其實煎Pan早年喺台慶就曾表演過