愛．回家｜呂慧儀屬隱藏運動高手邵初加入劇組犧牲8吋長髮

處境劇《愛．回家之開心速遞》嘅演員齊集出席以奧運為主題嘅宣傳活動，各自上場展示運動細胞，最後有大龍生羅樂林同埋龔水CP呂慧儀同張景淳獲得金牌，長腳蟹呂慧儀望身形知道佢應該係排球健將，原來佢仲係羽毛球同籃球高手，講起日前難得同《東西宮略》嘅拍檔陳法拉、陳敏之、阮兆祥、阮小儀等相隔多年再聚會，阿蟹都話好好彩:「那個飯局好即興，好彩《愛回家》劇組收得早可以赴約，我係最遲去到嗰個，咁啱法拉又返來香港，大家一叫即應約，但係郭晉安喺清遠拍緊劇返唔到黎，等安仔返來會再約。」

呢日《愛．回家》活動，阿蟹同Stanley夫妻檔奪金佢仲分享日前《東西宮略》成員飯聚嘅情況

《愛．回家》加入唔少新血，其中港姐入行嘅邵初劇中被挖角去接龍公司法律部飾演律師Minnie，為左呢個角色邵初剪下留咗多年嘅八吋長髮，邵初呢次真係為藝術而犧牲，佢仲話以前從未試過剪髮，雖然有少少傷心，但為咗配合角色性格就無問題。