江若琳(Elanne)與前經理人公司嘅合約糾紛官司終於完結,佢早前接受電台錄音訪問,指相隔7年再次以歌手身分推出新歌,希望藉新歌訴說自己心聲。江若琳相隔7年再次以歌手身分推出新歌,希望藉新歌訴說自己心聲。
Elanne指以往因身不由己,好多時要被迫放棄唱歌向另一方面發展,雖然有工作已經覺得好快樂,但內心仍然十分熱愛唱歌:「以前有好多遺憾,因為矛盾或者為生活,好多次被迫放棄唱歌,要過五關斬六將先唱到我要唱的歌,依家既然所有嘢(官司)已經完結咗,雨過天晴,我好想為自己活一次。」Elanne指以往因身不由己,好多時要被迫放棄唱歌向另一方面發展,雖然有工作已經覺得好快樂,但內心仍然十分熱愛唱歌。
江若琳又指再出歌嘅部份原因係因為寶貝仔蕭立鈞(Owen):「我個仔好鍾意聽歌跳舞,佢好鍾意我唱歌畀佢聽,我唱兒歌,佢好似我粉絲咁,會由衷咁拍手掌,有一刻我望住佢,覺得佢大個之後,有咩令佢感到驕傲,唔通話阿媽經歷好多低潮同打咗場官司?」江若琳希望可以做一件令自己驕傲嘅事,希望阿仔大個,話佢聽無論遇到咩事,有夢就要去追。江若琳又指再出歌嘅部份原因係因為寶貝仔Owen。
當主持問到佢有咩想同18歲嘅自己講,江若琳話感謝昔日嘅熱血同勇敢:「我會好欣賞呢個女仔,當年為工作同理想5日唔瞓覺,喺冰天雪地,零下唔知幾多度跳落污水拍戲,仲要淋雨十幾個鐘都未死得,諗番都唔知點生存落嚟;而家一啲都唔捱得,唔好叫我捱夜,我頂唔住㗎!好佩服以前自己,為理想完全忘我,又好傻咁,爭取一份正確嘅事,行一條好艱辛嘅路,唔知哪來嘅勇氣。」江若琳希望可以做一件令自己驕傲嘅事,希望阿仔大個,話佢聽無論遇到咩事,有夢就要去追。