獨家直擊《愛‧回家》上演群姐摸根叔大髀橋段 丹爺入戲太深大爆鵝生金句

《愛‧回家之開心速遞》經常玩轉新聞事件，呢日見到群姐竟然公然灌根叔飲迷湯，一旁嘅熊若水仲好擔心咁，係咪似曾相識呢？冇錯，佢哋就係上演緊鵝生同鵝太嘅故事！原來丹爺有留意事件原型人物嘅發展，訪問更爆出鵝生金句，話自己「勁過後生仔」！

丹爺有留意事件原型人物嘅發展，訪問更爆出鵝生金句，話自己「勁過後生仔」！

劇情當然唔少得鵝太捉鵝生大髀嘅招牌動作，不過呢個咁親密接觸，令群姐好緊張，群姐仲搞笑話應該好少人有機會摸到丹爺嘅大髀！至於被問到群姐手勢如何，丹爺就表現得好尷尬啦！

《愛‧回家之開心速遞》上演緊鵝生同鵝太嘅故事！

群姐話為咗拍呢場戲，自己事前做咗唔少功課，尤其刻意模仿鵝太講嘢嘅口音同語氣，聽群姐即場示範，果然令大家一秒入戲。
群姐事前做咗唔少功課，尤其刻意模仿鵝太講嘢嘅口音同語氣。