袁彩雲返娘家搵愛回家劇組集郵 女兒興奮坐主播枱玩轉古裝街

移居加拿大生活嘅 袁彩雲 近日返港探親，同好友相聚之餘，亦冇忘記自己嘅出身地，仲帶埋囡囡Alycia重返娘家TVB，應寶貝女要求去處境劇《愛回家‧之開心速遞》探班，更搵到大小姐林淑敏、大妹滕麗名同二妹呂慧儀集郵，當然唔少得同一眾演員同劇組合照留念啦。

移居加拿大嘅袁彩雲，帶囡囡重返電視城探班
彩雲仲喺電視城仲撞返好多昔日戰友，之後佢哋仲去咗《東張西望〉嘅廠見識吓，囡囡Alycia一嘗坐主播枱滋味，兩母女又一齊去到古裝街探索，之後又撞見張振朗同近日傳出婚訊嘅朱敏瀚添。

又一探《東張西望》嘅錄影廠
仲遇見兩大型男張振朗同朱敏瀚

從照片中見到阿女不知玩得幾開心，彩雲亦感激安排佢舊地重遊嘅好友，令佢可以玩轉TVB同見返好多舊同事，相信最重要係可以同女兒締造美好回憶，令阿女知道媽媽昔日工作係點樣，亦令彩雲可以懷緬一下拍劇工作嘅光景，唔知佢有冇打算重出江湖喺幕前演出呢？
當年拍過唔少劇集嘅彩雲，今次返港比囡囡了解自己當年嘅工作

現年48歲嘅彩雲保養得好好，一啲都唔似真實年齡，絕對係位凍齡媽媽。彩雲1996年參選香港小姐勇奪季軍，結婚後喺2009年移居加拿大生活並育有現年11歲女兒，間中都會返香港同親友敘舊。
日前佢約埋一班好朋友聚舊大話當年

好似日前就同相識多年好友黃𨥈瑩、陳敏之、唐文龍、劉曉彤、陳彥行等食飯相聚，回憶那些年嘅歲月痕跡，一班好友無所不談。