樂基兒狀態回勇心情大靚 自嘲中文差帶阿仔返港學中文

樂基兒同甄濟如呢日一齊現身一個瑜伽活動，分享佢哋平時嘅飲食習慣，同埋點樣keep fit令體態更健康。Gaile 近年時肥時瘦，早前更被發現大咗幾個碼，呢日見佢終於狀態回勇，佢話而家其實更注重身體同心理健康，相比起前排體重暴增，而家雖然冇以前咁瘦，但發覺自己依然可以著得落Model size嘅衫就覺得好開心。

Gaile 近年時肥時瘦，早前更被發現大咗幾個碼，呢日見佢終於狀態回勇。

定居峇里嘅Gaile間中都會返香港工作，早前趁住暑假亦帶同阿仔Ian返香港上暑期課程，希望囝囝學到中國文化，佢話因為自己中文能力有限，所以特登帶囝囝返香港學中文，而自己私底下都會盡量同囝囝講中文。
Jasmine預告好快會推出第一首廣東歌，因為自己廣東話麻麻，所以要花更多時間準備。

講到keep fit，相信對於Jasmine嚟講就冇咩難度，因為佢嘅父母甄子丹同汪詩詩一直保持fit爆狀態，不過Jasmine就爆自己唔似媽咪咁熱愛水上運動。而佢亦預告好快會推出第一首廣東歌，因為自己廣東話麻麻，所以要花更多時間準備。