為你鍾情首演｜ 「中聲」成員力撐劍文 鄭俊弘妻兒台下欣賞

黃劍文 葉巧琳 鄭俊弘 陳凱彤 等有份演出嘅舞台劇《為你鍾情》星期五正式公演，吸引 周慧敏 黃智賢 黃梓軒 羅啟豪 顏米羔 等入場支持。而同Kimman被傳緋聞嘅 林思彤 亦係觀眾之一，佢仲話因為早前嘅演唱會音樂劇式演出先會令緋聞盛傳，知道Kimman非常想演出音樂劇，仲知對方排戲排到好攰，似乎真係非常了解對方咁喎。

黃劍文、陳凱彤、葉巧琳同鄭俊弘排練多時嘅劇目公演

周慧敏低調現身欣賞演出

而Ramon就話同Kimman可以話係互相欣賞，仲爆早喺對方參賽時已認識，後來更有唔同合作，所以一定要欣賞佢嘅演出呀。至於米羔就話希望未來電影中加入更多唔同元素，佢仲話希望將戰友們嘅各式演出都加入當中呀。

身為中聲成員嘅顏米羔、林思彤仲有羅啟豪都有捧場

首場公演之後幾位演員都對自己表現形容係不過不失，仲話喺台上又唱又跳又演，全身都被汗濕透，更加擔心公演時表現未如理想。Fred仲話太太同囝囝都有現場欣賞，仲話係非常大嘅支持同鼓勵呀。

何雁詩亦帶同囝囝捧Daddy場