鄭俊弘何雁詩攜仔遊布吉旅行 走出囝囝患罕見病低谷 生活工作重回軌道

鄭俊弘（Fred）日前忙完同黃劍文、葉巧琳等合作嘅9場音樂劇，終於有時間同太太何雁詩（Stephanie）以及患有天使綜合症嘅兒子Asher出埠去旅行享受陽光與海灘，日前一家三口出發去泰國布吉旅行時被網民野生捕獲，Fred同何雁詩相當親民，面露笑容同網民合照。

Fred同太太何雁詩陪囝囝喺泳池度暢泳，為咗保護囝囝，兩夫妻做足安全措施。

何雁詩今日喺社交平台分享家庭旅行嘅靚相，何雁詩身穿藍色一件頭泳衣陪阿仔喺沙灘玩，Fred亦有同太太陪囝囝喺泳池度暢泳，因為Asher患有罕見疾病嘅關係，運動方面發展有障礙，為咗保護囝囝，兩夫妻做足安全措施，Asher戴晒水泡仲有防曬帽，三口子玩得相當開心，展現燦爛笑容。 

何雁詩身穿藍色一件頭泳衣陪阿仔喺沙灘玩。

Fred之前透露因為知道兒子患上罕見疾病而一度陷情緒低谷，直至6月時兩夫妻決定公開兒子患病，同時積極面對囝囝嘅病情，更開騷為相關嘅慈善基金籌備。最近見兩夫妻無論工作同生活上都重回正軌。

Fred之前透露因為知道兒子患上罕見疾病而一度陷情緒低谷，最近見兩夫妻無論工作同生活上都重回正軌。
Fred日前成功挑戰9場音樂劇，更喺自己嘅社交平台發文分享感受，透露好開心認識到一班對藝術有熱誠嘅拍檔，更開腔多謝Johnny Yim推薦同埋穿針引線令佢參演到呢部作品，佢坦言因為呢次演出重燃對演藝方面嘅熱情。

日前一家三口出發去泰國布吉旅行時被網民野生捕獲。

Fred日前成功挑戰9場音樂劇，更喺自己嘅社交平台發文分享感受。