StarTalk丨吳大強出歌成2024最年長樂壇新人 堅持做掌上壓強身健體

《中年好聲音》歌手吳大強（Bill哥哥）成為最年長樂壇新人，Bill哥哥推出改編歌《Shining Friends》，由劇集歌曲改編以新面貌示人，呢日佢現身TVB娛樂新聞台《StarTalk》與主播許文軒暢談造歌過程。
Bill哥哥推出改編歌《Shining Friends》。
Bill哥哥坦言入行後對阿仔吳偉豪嘅工作更加了解，明白工作時間未必係自己掌握，而Bill哥哥自爆同太太早前赴台探阿仔班，盡量爭取時間一齊相聚；Bill哥哥本來諗住退休周圍去旅行玩吓，點知碰上疫情，跟住Bill哥哥就參加《中年好聲音》比賽，令Bill哥哥整個計劃改變咗，有一個好嘅發展，多咗演出機會。
Bill哥哥坦言入行後對阿仔吳偉豪嘅工作更加了解。
Bill哥哥指不時獲親友提醒要注意身子，佢都明白呢個年紀注重健康好重要，Bill哥哥而家堅持做掌上壓強身健體，目前可以分開做百幾下掌上壓。
Bill哥哥話自己每日都會做掌上壓。