中年好聲音3｜龍婷「Hello Kiss」風波後首現身 支譽儀獲力撐並非金手指

《中年好聲音》第一、二季唱將齊集電視城為「中三」錄影序曲嘅舞台，而一個多月前，因為同已婚資深演唱會製作人丘亞葵傳出緋聞一度停工嘅話題人物龍婷都有現身。

一眾《中聲》成員參與《中聲3》錄影，包括早前出事嘅龍婷
 
沉澱一段時間後，龍婷都想重新出發，更獲唔少歌迷支持，佢亦喺支嚳儀、周吉佩陪下同受訪，表示事件對自己雖然影響大家，但已經過咗去，所以亦唔想打擾任何人，呢段時間亦冇嘢要同丘先生溝通。而龍婷亦經一事長一智，學識就算同人再熟，都要保持距離相處。佢又感謝公司諒解同支持，喺事件發生後亦有為自己事業擔心，但相信大家都有見證佢多年嘅努力，相信自己可以再出發。

首次會見記者嘅佢指要同所有有朋友都保持距離
 
而呢單緋聞亦引發另一單是非，就係支嚳儀被指係金手指喺幕後爆料，不過呢日支支同龍婷都有大方合照，力證二人感情不變。支支都話自己得到中聲家族力撐。自己亦冇時間、心情喺背後搞小動作。吉吉就話，大家都好努力工作，亦唔會睇太多是非，每個人都專注工作為重。

龍婷又指相信支嚳儀並非放料人
 
中一生、中二生難得聚首一堂，大家都玩到好High，陳俞霏同主持人車婉婉更喺台上同歌迷一齊舉牌歡呼。經歷兩年不同大小演出後，羅啟豪對於唱跳都越嚟越純熟，更笑言：「跳舞差唔多冇難度，不過反而係記歌有啲難。」事關分歌詞每人一句，要記好自己歌詞又要記舞，都真係好考記憶！