林志玲為梵高展獻聲配音 以美術為人生作比喻

台灣女星 林志玲 除咗外型亮麗，更有擁有一把招牌娃娃音。呢日志玲姐姐現身台北，出席一個梵高展覽記招。志玲姐姐呢次受邀為展覽錄製語音導航，而喺記招上，佢就分享喺透過配音讀稿時感受到文字嘅栩栩如生，一幅幅畫作都好似浮現眼前。

林志玲為台北嘅梵高展覽聲音導航

志玲姐姐更預告，喺導覽語音入面有埋藏彩蛋等大家發掘。 志玲姐姐對入行前做過美術助理策展人，喺大學時期亦雙修經濟學以及西洋美術學，佢好深刻教授曾經講過一句：「美術永遠沒有對與錯，你一定要用自己的雙眼，去看去感受。」

佢唔止大學時修讀藝術相關科目，入行前更係藝展助理策展人

志玲姐姐又比喻美術似一本人生畫簿，大家都唔會知道幾時先係最後一筆，所以再留一啲空白位會更好，但呢個睇法亦係個人見解，冇對與錯之分。