(G)I-DLE雨琦生日向粉絲送驚喜 泰國鮮肉Nani大騷廣東話

韓國女團(G)I-DLE早前一連三日喺香港開騷，亦吸引咗天后容祖兒捧場，而(G)I-DLE內地成員雨琦更抽空出席一個品牌活動，吸引大批粉絲到場支持。令雨琦大為感動，亦表示期待未來可以繼續嚟香港開騷。雖然在港行程緊湊，不過雨琦都有品嚐到自己思思念念嘅港式美食「菠蘿包」！

日前同成員來港連開3場騷嘅宋雨琦，呢日再現身品牌活動
下個月23號就係雨琦25歲生日，佢就預告會有驚喜送俾粉絲，叫大家好好期待一下。同日出席活動嘅仲有泰星Nani，呢次亦係Nani相隔一年再訪港，但估唔到佢仲記得啲廣東話，呢日都有向大家騷返兩句。講到嚟香港最想去邊，Nani就話最想去廟宇同主題樂園喇。

泰星Nani亦再次訪港，仲指希望有時間到訪主題樂園