2024香港小姐競選｜候選佳麗掌握化妝技巧自信激增 11號梁嘉瑩先拔頭籌獲封女神

《2024香港小姐競選》將會喺9月15日舉行，15位候選佳麗連日進行特訓，呢日上堂接受專業化妝師指導，學習通過化妝凸顯自己優點，15位佳麗完成妝容後行Catwalk自信倍增，不過2號倪樂琳就身體抱恙，喉嚨痛加發燒頂硬上有啲吃力，但佢話會好好食葯爭取休息，所以唔擔心影響表現，一定會以最好狀態迎戰。

眾候選佳麗呢日上堂接受專業化妝師指導。
距離決賽仲有半個月，佳麗們又要Keep住身形容貌，又要準備才藝表演，雖要好大體力撐。好彩呢日嘅活動唔需要太艱辛，學習化妝技巧，令大家獲益良多，而11號梁嘉瑩好開心獲頒發女神殊榮，佢覺得自己可能係自信同笑容令佢獲獎。13號程姜月平時只會簡單塗上唇膏，今次學到要用手推開顏色更靚。14號楊梓瑤獲導師幫佢化眼妝，學識畫眼線秘訣。

2號倪樂琳呢日身體抱恙。
經過專業指導後，佳麗們都好開心見到自己嘅改變，相信決賽當晚，15位佳麗都會更有自信咁踏上決賽舞台。好似1號陳紫佟學懂點樣令眼晴更有亮度，4號謝淑怡同3號陳汛文掌握塗抹胭脂技巧，令蘋果肌睇落更提亮飽滿，兩人仲話日後可以互相幫對方化妝。
11號梁嘉瑩獲頒發女神殊榮。