梁釗峰與粉絲聚會慶生抽獎 終極大獎親自開車送回家

生日快樂！今日（31號）係梁釗峰38歲生日，一向寵粉嘅佢日前就同「峰心粉」（釗峰粉絲暱稱）聚會提前慶生。
今日喺釗峰38歲生日。
為配合歌迷會「峰心學院」，會場佈置帶點校園風，又有釗峰人形低牌畀大家打卡。歌迷會特別準備咗「2023-2024年度峰心學院年終考試」，題目包括音樂題、喜好題等等以測試大家對釗峰嘅了解，釗峰仲擔任「教授」親自改卷。

釗峰同fans們提早慶祝生日。
見到「峰心粉」送上蛋糕兼合唱生日歌，壽星仔相當識做，準備咗三份禮物畀大家抽獎，包括一張佢爆肌赤裸上身嘅「原圖」相，仲有送上自己鍾意玩嘅桌上遊戲，兼且私約得獎者一齊玩。至於終極大獎得主就讀出獎品：「我得到教授送我返屋企券一次。」全場即時尖叫聲四起，經理人補充話：「車入面係會有其他同事喺度」，場面爆笑。
釗峰送出赤裸上身嘅「原圖」照。有fans獲得釗峰送返屋企券一張。