張蔓莎推新歌開限定店 盼成Cafe小店老闆娘

近日推出新歌嘅 張蔓莎 呢日開新歌發佈會，仲開埋限定快閃店，Sabrina仲喺鋪頭拍攝MV，唔止孖生家姐 張蔓姿 到場支持，仲有好姊妹 Jace陳凱詠  同 林峯 都有到場參觀打氣，搞到佢搞笑話好似真係開咗鋪做老闆娘咁呀。

張蔓莎嘅新歌宣傳活動獲大批好友到場支持
曾經夢想自己係咖啡店老闆娘嘅佢，又話如果有資金而家會寧願投放喺音樂創作，不過如果真係有機會做店主，就多數會係一間咖啡店或者係一間墳精緻裝飾嘅鋪頭咁話。Sabrina呢次新歌企劃亦同兩間小店合作，販賣嘅物品中仲有佢親自繪製嘅畫作成為T恤嘅印花呀。