鳳小岳意外揭喪子心情 無奈感嘆生命有限

鳳小岳呢期正忙參與內地綜藝節目《披荊斬棘的哥哥4》拍攝，喺準備二次公演嘅舞台表演期間，鳳小岳被隊長尤長靖問到，喺幾時開始做第一張專輯時，鳳小岳就話，係喺太太懷胎9個月但最終不幸引產，自己抱住BB嘅瞬間，意識到：「在那當下我沒有任何時間可以抱怨，所有生命的時間都是有限的，盡量讓自己不留下遺憾，並且在能力範圍內把自己做到最好，所以想做音樂呀！做音樂真的很療癒。」意外揭露喪子心情。
 鳳小岳剛完成內地綜藝節目《披荊斬棘的哥哥4》嘅第二次公演。

而鳳小岳為令二公表演更加完美，更特別返山上老家尋找匹配嘅樂器。無論係倍革胡、手風琴、傳統大鼓或非洲雨棍，演奏都手到擒來，最終佢就擇咗音色溫潤嘅古琴做搭配。鳳小岳師承母親，表示：「古琴是需要時間去理解消化，然後需要成熟一點點，我覺得我現在在一個滿剛好的位置，去重新認識這個樂器。」

鳳小岳表示彈奏古琴。
 
最後，由尤長靖、鳳小岳、MIYAVI、黃瀟以及朱星杰組成嘅「表白five」舞台演出成功，其中MIYAVI用三味線同鳳小岳古琴隔空對彈一段，最令粉絲驚艷。
 
鳳小岳同囝囝。鳳小岳與老婆