吳文忻化療脫髮邀寶貝女操刀剃頭 8歲幼女窩心想陪媽媽一齊剷光頭

1998年度港姐季軍吳文忻 （現名吳忻熹）早前公開乳癌復發第三期，並擴散至淋巴腺後，目前完成第三次化療，治療期間難免甩頭髮，吳文忻決定剷光頭，搵11歲女兒Scarlet及8歲幼女Season做髮型師。

吳文忻早前公開乳癌復發第三期，並擴散至淋巴腺後，目前完成第三次化療。
吳文忻最近喺網上分享抗癌日記，指接受數次化療後開始大量脫髮，近日佢決定剷光頭。吳文忻指以前一直係自己幫兩個女剪頭髮，而家佢哋有機會幫媽咪剃頭，「我諗佢哋長大後諗返，會覺得係一件好難忘好正面嘅事，同埋變咗一件親子嘅事」。

吳文忻接受治療期間難免甩頭髮，吳文忻決定剷光頭。
講到細女仲想陪媽咪一齊剃頭，令吳文忻感受良多，發覺當自己遇上難關，正面去面對嗰陣，正能量都會感染到身邊嘅人，佢頓時覺得之前擔心嘅嘢都係自尋煩惱。

吳文忻平日如常陪愛女外出，一齊享受親子樂時間。
吳文忻今日喺IG貼出近照，並寫道：「「凡事真係兩面睇，我之前就係十萬個不願意剃頭，想不到，我現在覺得自己剃完頭仲型和有『重生』嘅感覺。」吳文忻又指光頭真係超方便，又唔使洗頭、吹頭、拉直啲頭髮，「原來光頭仲多做型可以玩！I start to like it」，不少網民見到吳文忻積極樂觀抗癌，紛紛留言打氣支持。

吳文忻又指光頭真係超方便，又唔使洗頭、吹頭、拉直啲頭髮。吳忻熹早前分享抗癌日記，以浸浴幫助排毒，紓緩乳癌化療副作用。