趙希洛久病復出 盼進軍影壇做打女

有一排無見趙希洛現身活動，連社交平台都玩少咗，原來呢排佢百病纏身，除咗被咳嗽困擾咗幾個月之外，個多月前又感染新冠病毒，之後隻眼仲發埋炎，來港發展咗15年嘅Candice，都話未試過病得咁犀利，連普通溝通都咳到講唔到嘢，Candice話會考慮揾人睇下風水，唔知自己係咪瞓咗個病位喎。
趙希洛啱啱大病初癒。
而家回復自由身嘅Candice，都希望自己可以喺多方面有新發展，佢仲話好想進軍影壇做打女，佢又大讚林峯喺《九龍城寨之圍城》入面演得非常好，佢都好希望可以跟隨阿峯嘅步伐，喺影壇大展拳腳呀。
自由身嘅趙希洛，話想喺影壇大展拳腳。