成功邀宮澤理惠參演舞台劇 佐藤二朗喜出望外

日本影后宮澤理惠同老公森田剛再婚六年，兩人當年因合演舞台劇而結緣，所以舞台劇對宮澤理惠嚟講，更加多咗一份意義，呢日佢同新劇演員佐藤二朗出席新劇發表會時，宮澤都有分享佢點睇舞台劇，佢話舞台劇既魅力係美麗而短暫，只有喺劇場呢個特別空間，先可以做到的，而且舞台劇要花好多時間去排練，更要長時間面對同一個角色，可以有更深嘅理解。

宮澤理惠

而經常出演一啲搞笑、猥瑣怪叔叔角色嘅佐藤二朗，呢次喺新劇中，除咗有份參演之外，佢仲做埋編劇，佢話當初邀請宮澤出演時，原本都打定輸數，但估唔到宮澤睇完劇本後，竟然話好期待，佐藤二朗即刻打比監製報喜，之後再加多幾錢肉緊不停說服宮澤，更大爆自己曾經試過酒後發長文比對方，搞到自己覺得好尷尬呀。
佐藤二朗