有片！伍允龍電影宣傳再遇挑釁拳拳到肉 被搗亂者問：又想喺戲院瞓多鑊呀

伍允龍聯同劉俊謙、董瑋、蔡思韵主演一部向香港影壇前輩及從業員致敬嘅電影，Philip日前聯同兩位導演梁冠堯同梁冠舜現身群星友好場，率先同業界好友如錢嘉樂、錢小豪及ANSONBEAN等欣賞新作。

Philip日前聯同兩位導演梁冠堯同梁冠舜現身群星友好場。
電影開場前，觀眾席前排突然有人大叫，並且引發起四人喺螢幕底下混戰，在場嘅Philip睇唔過眼，即時衝出起飛腳教訓搗亂者，點知其中一位搗亂者問Philip一句：「伍允龍又想喺戲院瞓多鑊呀？」此語一出，即時令全場觀眾諗起上次Philip被觀眾突襲一事而大笑，最終Philip制服咗搗亂者。

導演梁冠舜（左）、伍允龍、導演梁冠堯Philip同一班武師為觀眾送上嘅小驚喜。
其實以上嘅打鬥場面，係Philip同一班武師為觀眾送上嘅小驚喜，雖然係做戲，但現場所見真係拳拳到肉相當逼真，亦令大家充心佩服武師們嘅付出同為香港電影嘅貢獻。

業界好友錢嘉樂同錢小豪亦前嚟欣賞新作。