林明禎傳緋聞後首度現身 坦言對感情保守只係朋友關係

大馬女神林明禎近日同呂爵安Edan傳出緋聞，男方日前公開叫傳媒高抬貴手護花。明禎BB呢日傳出戀情後首度喺香港現身公開活動，有愛情滋潤嘅佢笑得特別甜，仲擺出多個姿勢心心，真係冧死人呀﹗

林明禎開腔回應緋聞。

明禎甜笑開腔回應戀情，話兩人現時係朋友關係，並大讚對方很有風度及很可愛，承認現階段二人相處中，仲話相處自在舒服很重要，明禎話：「因為我對感情比較保守，要時間認識了解先會知適唔適合，喜唔喜歡，一切順其自然。」被追問Edan展開追求、有咩攻勢等，明禎就笑住叫傳媒問返對方，至於有冇收花？佢就面都紅晒嗌救命。其實見到明禎BB呢個咁可愛嘅舉動，真係好攞命至真呀﹗

韓劇《閃亮的西瓜》主角厲雲同申銀秀。

同場仲有主演韓劇《閃亮的西瓜》嘅主角厲雲同申銀秀，兩人首次在港合體，厲雲每次到港都會被美食吸引，最想品嚐雲吞麵同蝦餃。而申銀秀就好鍾意睇電影《重慶森林》，有意到中環半山扶手電梯打卡遊歷。