StarTalk丨伍允龍感激董瑋曾仗義解圍銘記於心 劉俊謙拍戲愛打破形象界限

劉俊謙、董瑋（Dee哥）、伍允龍（Philip）主演嘅電影《武替道》向動作設計同動作演員致敬，講新舊世代武師打出新境界，呢日佢哋現身TVB娛樂新聞台節目《StarTalk》，同主播 王鎮泉 分享拍攝趣事，原來董瑋曾試過仗義執言，幫過伍允龍解圍。

劉俊謙、董瑋、伍允龍接受《StarTalk》訪問。

劉俊謙喺戲中飾演一個好有熱誠嘅武師，邂逅由董瑋飾演嘅過氣動作指導，而董瑋角色係食古不化、故步自封嘅人，識咗一個後生仔，明白呢個世界變咗，可以有新方法達到同樣效果，而伍允龍飾演武打巨星。

電影《武替道》向動作設計同動作演員致敬。伍允龍每個訪問都有提董瑋曾試過仗義解圍。

伍允龍每個訪問都有提董瑋曾試過仗義解圍，笑指董師傅就嚟打死佢，伍允龍讚董師傅為人謙虛，幫過好多後輩，伍允龍回想有次自己喺現場畀人恰，董師傅即出手幫忙，就算而家都有繼續幫人。
劉俊謙
董瑋坦言設計動作要先衡量自己係咪做得到，曾試過即場剪短髮做替身，董瑋指當自己冇把握做到，就唔可以叫人博，然後先搵動作演員上陣；而劉俊謙接角色比較鍾意打破形象界限，為唔同角色製造全新印象。
董瑋