馮盈盈表明未來兩年暫無意拍拖 自認偏心師姐睇好心水佳麗人選

美女 馮盈盈 同靚仔 栢天男 呢日出席活動，盈盈早前同幾位候選佳麗去塞班島拍攝外景，佢喺社交平台大曬潛水靚相，超fit身形吸睛度爆燈，港姐決賽在即，盈盈已有心水佳麗人選，就係7號秦冀雯、8號盧凱怡、12號鍾翠詩，盈盈自認係偏心嘅師姐，呢三位佳麗之前亦一齊去塞班島。

之前同幾位師妹一齊拍完外景，馮盈盈就自認偏心佢哋喇
盈盈有美貌有智慧，除咗努力工作之外，亦好畀心機讀書增值自己，不過盈盈喺感情事上就冇咁積極，雖然佢有參與正常社交認識新朋友，但係佢表明未來兩年暫時無意拍拖。
早前修畢碩士學位嘅佢，坦言暫時無意拍拖

栢天男目前為新戲作好準備，即將去馬來西亞拍攝動作片，佢好期待呢次機會，栢天男現時努力減磅，到當地就要接受唔同training。

栢天男將到大馬拍攝新動作電影