Startalk 一氣呵成版｜ 伍允龍分享入行辛酸 劉俊謙愛打破形象界限

伍允龍、劉俊謙、董瑋主演嘅電影《武替道》，以武師界三代唔同人物，講述香港影壇動作替身嘅血淚故事，係向香港電影一班幕後英雄，動作指導同龍虎武師致敬之作，三位作客《StarTalk》同主播 王鎮泉 一齊分享拍攝點滴以及行業變遷嘅睇法。

劉俊謙、董瑋、伍允龍
董瑋擔任武指超過50年，今次相隔七年再回歸幕前，佢話電影令佢感受最深嘅，係戲中年青人為咗做自己想做嘅事，一直抱住堅持嘅心，而現實中，佢話香港影壇的確有一班年青人，可以為咗理想不惜捱麵包都在所不計。伍允龍話自己入行時，由於出品數量少咗，自己都曾經歷無工開嘅日子，至於劉俊謙就話自己又未試過窮到捱麵包，不過，由於佢係劇場出身，所以跳入電視、電影圈時，佢都曾經有迷失嘅時候，不過，劉俊謙就話自己鐘意打破形象界限，唔希望自己被定型。
伍允龍話自己曾經歷無工開嘅日子。