陳煒選美出身入行28年有感談吐更勝從前 玲玲師傅爆老公睇港姐決賽勁投入

香車配上美人，讓人難以招架！陳煒呢日以火紅色貼身開叉長裙，同麥玲玲師傅一齊出席一個汽車活動，煒哥自爆未有車牌，笑指身邊好多人載佢，而平時係老公做柴可夫司機。

陳煒呢日一身貼身長裙勁騷女人味
同場嘅玲玲師傅就好享受駕駛嘅樂趣，佢年輕嗰陣尤其鍾意跑車，玲玲師傅笑言以前坐跑車一起身，條窄身裙好易爆開，玲玲師傅而家係主張商務車；講到今屆港姐出爐，玲玲師傅爆老公認真睇港姐決賽，當心水佳麗出局，仲叫玲玲師傅問TVB呢個佳麗點解唔得，睇得勁投入，下次要幫老公申請做觀眾評判，而煒哥都話老公有參與網上投選心水佳麗。
佢同玲玲師範一齊出席一個汽車活動

港姐決賽當晚咁啱嗰日係煒哥入行28年，當年佢都係選美出身，煒哥咁多年後都好似凍齡一樣咁靚，佢覺得自己談吐及智慧更勝從前。