蔡少芬生日獲陳法蓉送驚喜洪欣一個動作Ada破防變土撥鼠

成日都話同好友一齊會好自然咁顯露自己最真實嘅一面，就好似Ada蔡少芬、陳法蓉同洪欣咁，三個女人聚埋一齊時，完全將佢哋瘋癲嘅一面暴露出嚟！
陳法蓉為Ada策劃驚喜生日之旅。三位美魔女行到邊食到邊。三位美魔女行到邊食到邊。
9月17號係 Ada蔡少芬嘅51歲生日，為咗同好姊妹好好慶生，陳法蓉就決定同洪欣策劃一場說走就走嘅旅行兼生日驚喜，點知畀聰明嘅Ada一早就估到，雖然生日嘅驚喜就咁冇咗，但都冇阻佢哋玩得相當中盡興，三位美魔女喺澳門除咗去咗唔少景點打卡外，佢哋放棄一日嘅身材管理，行到邊食到邊。

返到酒店就同Ada切蛋糕。

話明係慶生之旅，當然唔少得切蛋糕啦，三位美魔女返到酒店後，陳法蓉同洪欣就為壽星女唱生日歌，不過當唱到最尾一句時，洪欣就專登將「Happy birthday to Ada」，繼續唱成「Happy birthday to you」，聽落好似唔記得蔡少芬叫Ada咁，搞到Ada即時破防，不斷重複自己叫Ada，相當搞笑。而當Ada許完願吹蠟燭時，洪欣再搞惡作劇，搶先一步吹熄蛋糕上嘅蠟燭，激到Ada要起腳踢洪欣，仲嬲到發出土撥鼠尖叫，場面爆笑。

憤怒值急升中。Ada 一秒變土撥鼠土撥鼠尖叫！
事後陳法蓉將呢段爆笑切蛋糕片放上社交平台同大家分享，並喺帖文寫道：「蔡少芬生日快樂我建議去一場說走便走的旅行,精心製造生日驚喜,但聰明的娘娘猜到,好吧~沒有驚喜,但非常快樂~9/17不單止是一年一度的#中秋節,也是我的愛人蔡少芬的生日,@蔡少芬希望你被這個世界愛著,愛你的美人了祝你生日快樂~每天開心~幸福滿溢~你快樂,所以我快樂!同樂同樂!在此祝福大家。」