周慧敏廣州開騷賀中秋 誤將陳宗澤讀成黃宗澤

玉女掌門人 周慧敏 ，九月喺澳門舉行巡演時，無預警宣布唔會再舉行大型演唱會，消息令歌迷非常失望，Vivian只好喺巡迴繼續努力回饋歌迷。

周慧敏日前舉行廣州站巡迴演唱會
呢晚Vivian又去到廣州同歌迷賀中秋，不過喺同嘉賓互動環節就發生咗件尷尬事，就係Vivian介紹新一代歌手 CY陳宗澤 時，竟然口誤講咗黃宗澤，令佢非常唔好意思，話會返去背一千次。不過CY就搞笑打圓場，話自己另一個花名叫Bosco，為大家消除尷尬。
不過期間就口誤將嘉賓陳宗澤介紹成黃宗澤

完騷後，Vivian已返港同家人共度中秋，老公倪震每年都會準備燈籠送比佢，今年當然亦唔例外，Vivian收到老公送嘅白兔燈籠都忍唔住大讚好眼光呀。