慳妹周慧敏捧衰佬劉青雲場 欣賞谷祖琳演出淡淡女人香

講到周慧敏（Vivian）同劉青雲，大家會憶起佢哋喺經典劇集《大時代》入面飾演嘅慳妹阮敏同衰佬方展博嘅一段情。近日青雲同谷祖琳主演嘅電影上畫，身為青雲經典CP兼小谷好友嘅Vivian，當然要入場支持。

近日青雲同谷祖琳主演嘅電影上畫，身為青雲經典CP兼小谷好友嘅Vivian，當然要入場支持。
前日（11號）佢就相約小谷一齊欣賞，Vivian話自己第一次同女主角一齊睇作品，佢大讚小谷演得好自然同舒服：「聽她說着客家話，彷彿聞到那陣女人香。她淡淡的演，卻特別有味道和魅力。」

Vivian話自己第一次同女主角一齊睇作品，讚小谷演得好自然同舒服。
Vivian讚青雲喺演技再嚟一個大突破，「我幾乎沒有覺得他在演，螢幕𥚃這一家人很真實。爸爸對媽媽的愛，爸爸對子女的愛，都很真實。我不敢想像，要演活一個這樣的角色，戲𥚃戲外要付出有多大」，Vivian亦讚兩位小演員熊諾頤同蘇文濤演技，敬佩導演翁子光嘅拍攝手法。

Vivian讚青雲喺演技再嚟一個大突破。
以大家姐稱呼Vivian嘅小谷亦有發文，佢話好感動Vivian一直緊張佢任何事，「我諗咗成日我都唔知點樣去形容你對我嘅愛護，我真係深深咁樣感受到乜嘢叫做非筆墨能夠形容」，佢寄語希望再喺銀幕見到Vivian。

經典劇集《大時代》入面飾演嘅慳妹阮敏同衰佬方展博嘅一段情。