吳若希傳婚變後換新look留言惹無限揣測 宣傳新歌指同老公嘈交係小情趣

吳若希（Jinny）與老公何兆鴻（Alex）結婚多年，相處不時吵吵鬧鬧，吳若希更多次喺網上公開老公「惡行」，吳若希今年7月公審老公管接送女員工，句句有骨，更怒指「趷起條尾就知你做咩啦」，事後佢哋兩公婆少咗喺網上曬恩愛，吳若希傳婚變後近日更換上全新髮型，喺IG留言「是結束。是開始」惹嚟無限揣測！

吳若希傳婚變後近日更換上全新髮型，喺IG留言「是結束。是開始」惹嚟無限揣測！
吳若希留咗長髮一段時間，近日喺IG分享全新短髮造型，啲相似係佢喺布拉格旅遊時影嘅近照，吳若希早排準備飛往布拉格拍攝新劇《巨塔之后》，出發嗰陣仲係一頭長髮，而佢嘅短髮look亦不獲不少網民大讚「減齡」，瞬間感覺年輕咗10歲咁；陳煒都有讚吳若希新髮型，吳若希就話：「抄考咗你嘅髮型！」

吳若希今年7月公審老公管接送女員工，句句有骨，事後佢哋兩公婆少咗喺網上曬恩愛。

吳若希去旅行途中，亦有跟阿仔視像通話。
之不過吳若希喺帖文寫「是結束。是開始」，估計都係講緊拍完新戲或者呢次旅行。事關吳若希呢排宣傳新歌嗰陣，照樣將老公掛喺嘴邊，佢受訪時稱自己經常同老公嘈交，指呢啲係同老公嘅小情趣，二人係長期處於嗌交、互相攻擊嘅狀態，吳若希覺得呢個係二人獨有相處模式，雖然二人吵吵鬧鬧，不過咁多年嚟真係嘈交嘈到離婚只有一次，吳若希喺報道坦言同老公生活背景唔同，一定要時間去磨合，最緊要係睇對方有冇去改變，只要大家互相尊重便足夠。

之不過吳若希喺帖文寫「是結束。是開始」，估計都係講緊拍完新戲或者呢次旅行。吳若希呢排宣傳新歌嗰陣，照樣將老公掛喺嘴邊，受訪時稱自己經常同老公嘈交係小情趣。