家常便飯爭霸戰｜李思捷帶媽媽母子檔做評判 聯家燕姐為關楓馨現場招親

李思捷呢日帶同媽媽馮筱儀一齊作客由薛家燕、三姐蕭秀香、關楓馨、冼靖峰、阮浩棕主持嘅廚藝比併節目《家常便飯爭霸戰》擔任嘉賓評判，節目已經進入最後階段，民間廚神即將誕生。同樣廚藝了得嘅李媽媽對食好有研究，亦不時同參賽者互動交流心得。

李思捷同媽媽一齊錄影節目《家常便飯爭霸戰》。

李媽媽大讚阿仔非常得，令思捷當堂變得怕怕醜醜，謙稱如果有媽媽十分之一嘅水準已經好好，而平時節日就有媽咪在旁教路下廚。
 

李媽媽大讚阿仔非常得，令思捷秒變得怕醜。
呢集其中一位參賽者就係27歲任職藥劑師嘅阿Ken，見佢下廚時非常細心，家燕姐同思捷就乘機為單身嘅Fabienne招親，主動叫阿Ken留個聯絡方式，同Fabi交流交流。
 家燕姐同思捷仲乘機為單身嘅Fabienne招親。
幾位主持喺做節目期間，除咗可以品嚐到唔同款式家常菜，除亦可以食到唔同風味菜式，真係食到冇停口。家燕姐笑言由於各位手勢太好，所以就算Cut咗機都停唔到口繼續食。Fabi就話做呢個節目根本唔洗放飯，放飯嘅時候大家已經滿足已經好飽，唔洗再食。三姐就覺得最辛苦係食完之後要決定誰勝誰負，因為每位參賽者差距不大。
《家常便飯爭霸戰》星期一至五 22:30 翡翠台播映
到底佢哋講咩笑到咁呢？