TVB大寶藏丨王敏奕謝天華為份工唔要命 群星演盡記者博命辛酸史

TVB經典劇集中不乏職場題材，每個年代唔同職業都有各自辛酸，特別係記者行業。就好似2023年嘅《新聞女王》，王敏奕飾演嘅劉艷為拍新聞素材不顧安全陷入火場；1983年《無冤天使》，李司棋為追訪而險被車門夾住衫拖行。

《新聞女王》劇照。

2013年《女警愛作戰》謝天華為直擊女警行動而追上天台，差啲轆落樓；以及2016年嘅《EU超時任務》，譚凱琪為搶獨家消息而身陷險境。一齊收睇今集TVB大寶藏回顧群星演盡記者博命辛酸史。
1983年《無冤天使》，李司棋為追訪而險被車門夾住衫拖行。