葉振棠Joe Junior率嘉賓兵分兩路開慈善騷 劉可用歌聲為慈善出一分力

港人一直為善不甘後人，圈中人更係常常取之於社會，用之於社會。一連兩晚慈善演唱會將於10月9號及10號假荃灣大會堂演奏廳舉行，9 號晚歌手就有原已封咪但因慈善出山嘅葉振棠，仲有選秀唱將姚兵同劉可等，一齊用歌聲為慈善出一分力；10 號晚演出名單就有懷舊英文歌王Joe Junior、以及慈善歌手王俊棠及吳麗珠，特別喜賓係影壇前輩邵音音。

原已封咪但因慈善出山嘅葉振棠，參與慈善演唱會。
演唱會主辦代表Denis表示現今社會有唔少長者經濟並唔係太好，缺乏親人關懷，有見及此，佢哋本著有錢出錢、有力出力嘅宗旨，構思「勝利好歌聲慈善演唱會」及「歡樂好歌聲慈善演唱會」兩場演出。

劉可好榮幸能夠用歌聲為慈善出一分力。
9 號晚「勝利好歌聲慈善演唱會」受惠機構係「長幼同行基金」。劉可好榮幸能夠用歌聲為慈善出一分力，而呢個機構旨在透過多元化活動，促進長者智慧傳承及幼兒敬老愛老，劉可又指有時獨居老人因孤獨或失落感而感到唔開心，甚至演化為情緒病，透過快樂小天使嘅探訪陪伴、送上祝福關愛及專業輔導，帶給畀老友記歡笑及活力，身心都更健康。

Joe Junior好開心可以跟王俊棠及吳麗珠一齊為該機構籌款。
10 號晚「歡樂好歌聲慈善演唱會」受惠機構係「心靈力量」。Joe Junior好開心可以跟王俊棠及吳麗珠一齊為該機構籌款，該機構有「心靈理髮師」每個月出動去老人中心幫公公婆婆剪頭髮，有時同老友記傾偈，關住吓老人嘅心靈健康，老友記同義工相處都好開心。

「心靈理髮師」每個月出動去老人中心幫公公婆婆剪頭髮。