吳千語升呢豪門少奶後顯貴氣 梁詠琪佩戴鑽石手表閃耀登場

章子怡 張智霖Chilam 梁詠琪Gigi 吳千語 等現身北京一個腕表活動，個個都盛裝赴會顯貴氣。Chilam以一身官仔骨骨嘅打扮現身，超級帥氣，一向態度從容嘅佢原來對時間相當緊張，話自己可能係處女座關係，喜歡追求準確時間。

Chilam自問到時間準確有極高要求
Gigi啱啱完成喜劇電影拍攝，小休一輪繼續工作，佢以一身黑色低胸連身褲現身，加上頸上嘅圍巾做點綴，有型又典雅。Gigi透露向來喜歡簡單襯托，因為自己比較高，認為時尚不用過於複雜，恰到好處嘅點綴已經足夠，手上嘅名表更有250顆鑽石，非常耀眼。
章子怡亦係呢晚品牌邀請嘅嘉賓

吳千語8月同百億富三代老公施伯雄喺意大利行完世紀婚禮後，二人開心度蜜月後再次投入工作，千語升呢做豪門少奶後，可以話係唔少有灰姑娘夢想少女嘅典範，一向好努力嘅千語嚟得名貴腕表活動，當然有一早做定功課，仲話自己對手表都好有研究。

吳千語同老公蜜月後重投工作