中年好聲音3丨巫啟賢激讚梁文君人歌合一高菲雌雄同體震驚眾人

隨住新馬賽區嘅比賽圓滿落幕後，大灣區賽區嘅戰幔亦隨即揭開，今晚（22號）將會播出《中年好聲音 3 之決戰大灣區》，今集將會有10位參賽者率先登場，當中高菲和梁文君嘅歌唱實力值得大家留意。
身為男兒身嘅46歲高菲，擁有一把天籟女聲。
身為男兒身嘅46歲高菲，擁有一把天籟女聲，報稱係自由工作者嘅佢，一開口就震驚眾人，就連張佳添亦大讚：「你話係男兒身，你係講真？一個男仔有把咁嘅聲音，係好Amazing！一啲好成功嘅男歌手，通常把聲都係中性、甚至帶點女性化，例如 Michael Jackson、周深，呢個係上天賜畀你嘅。」周國豐大讚佢作為男兒身，可以唱出《祝福》呢首歌嘅溫婉感覺，嚇咗佢一跳。
張佳添亦大讚高菲嘅演出。
36歲報稱係和音歌手嘅梁文君，實力亦不容忽視，獻唱《歸來吧》嘅佢希望藉呢首歌唱出嫲嫲嘅人生經歷，梁文君憑住靚聲同真摰感情獲得好評，張佳添指佢唱出夭心夭肺嘅感覺，可以將聽眾帶入首歌嘅境界；而巫啟賢同樣大讚：「一睇就已經覺得有戲，人同歌合埋一齊，演出好有驚喜。」
和音歌手梁文君。
今集不乏再逐音樂夢嘅參賽者，當中黃文韜和吳帆同樣曾參加友台嘅歌唱比賽。 41歲嘅黃文韜報稱係人力資源行政人員，深情獻唱《祝君好》嘅佢喺台上表示：「以前參加過比賽，都有少少成績，但返到廣州之後都要生活，所以最終做咗招聘呢Part。」不過對於文韜嘅表現，周國豐就指佢嘅狀態唔太好，甚至比以前有少少退步。
黃文韜
38歲嘅吳帆報稱係演唱會場館營運人員，獻唱《今生今世》嘅佢話：「以前參加過比賽，做過幕後又作過曲，後來去咗類似 ICAC 嘅機構工作咗 6 年，一路都想做返關於音樂嘅工作，機緣巧合下做咗演唱會場館營運嘅相關工作。」但因為太緊張嘅關係而令佢表演有所失準，周國豐話：「你真係要改改，你由頭到尾都好緊張，呢樣係嚴重影響表現，呢個你必須克服，因為呢條路可能有排行。」
吳帆周國豐指吳帆因為太緊張影響演出水準。
報稱係自由工作者、39歲嘅姬麗婷，同《東張西望》嘅前主持黃穎君有啲似樣，不時會喺抖音平台上載唱歌片嘅佢，勁吸逾10萬粉絲。姬麗婷選擇以《到此為止》出戰，但因為表現唔穩定，巫啟賢畀佢嘅評語係：「你成隻歌有時得有時唔得，但至弊係唔知幾時得幾時唔得，你可能係3米跳台高手，但你硬要揀10米，撻死你呀真係！」
39歲嘅姬麗婷喺抖音平台有10萬粉絲。
同樣報稱係自由工作者嘅40歲范夏華獻唱《你把我灌醉》，佢嘅歌聲唔只同鄧紫棋似到十足，外貌亦同視后林夏薇相似。
范夏華被指同林夏薇似樣。