袁咕碌學講嘢父母暗戰爭第一聲 家燕姐加國拍英語劇演搞笑女強人

薛家燕 羅霖 黃洛妍 同埋 袁偉豪 張寶兒 夫婦 呢日一齊現身一個慈善晚宴，近來不時分享湊仔樂嘅阿Ben同Bowie，呢日仲係襯到絕一黑一白情侶檔姿態現身，仲話湊仔萬事足，所以阿Ben都精神咗唔少咁話。

袁咕碌日漸長大，阿Ben同Bowie同各出奇謀希望囝囝叫自己先
袁咕碌 話咁快已經10個月大，而呢對新手父母面對BB開始牙牙學語，而都暗地開始較勁，到底袁咕碌會叫爸爸定媽媽先呢。
到底Daddy叻定係媽咪勁呢？

近年一講起孫仔就笑到見牙唔見眼嘅家燕嫲嫲，即將會到加拿大拍攝一部全英語電視劇，佢仲話會扮演一名搞笑女強人，仲話要多謝大女安排大小事務，加上又有 王梓軒 等拍檔一齊演出，所以覺得非常新鮮呀。
家燕姐將往溫哥華拍英文劇集

而早前同 葉蒨文 喺港姐決賽舞台一齊演出嘅Janees，呢日就話當日眼界大開，喺Sally身上學到唔少寶貴經驗，仲話Enjoy係最重要嘅表現呀。

黃洛妍港姐決賽同Sally同台獲益良多