Avantgardey挑戰演繹關節痛 一take過完成廣告拍攝

日本女子舞蹈團 Avantgardey 吸金力超強，經常被邀到唔同地方演出及拍廣告，早前佢哋一行17人就應邀嚟到香港拍攝關節保健品嘅廣告。

Avantgardey 17位成員早前嚟到香港拍攝廣告。

早前 Avantgardey 喺舞蹈動作入面加入 16 蹲， 成員Sono表示雖然佢哋嘅16蹲時睇落好似好勁，但其實背後佢哋成日都會關節痛。而今次廣告導演就向佢哋拋出高難度要求，要17位成員演繹17個唔同程度嘅關節痛情景，表情唔可重複、唔可以浮誇同詭異，而同時要兼顧各個關節痛動作及舞步。

Avantgardey嘅舞蹈動作經常挑戰關節。Avantgardey嘅舞蹈動作經常挑戰關節。
雖然聽落難度唔少，不過又點會難到向來以超高一致度舞步見稱嘅Avantgardey吖，佢哋17人仲全員一Take完成拍攝，震驚製作團隊。

Avantgardey應要求做出關節痛嘅情景。

事後Avantgardey亦表示平日佢哋都好注重關節護理，因為每日要面對不停挑戰關節極限，所以靈活而柔韌嘅關節係佢哋嘅秘密武器。至於講到佢哋跳舞時唔只動作同步，連表情都係神同步，Avantgardey就話加入嘅第一課就係要學識忍笑，然後再投入角色，咁先可以輕鬆演繹唔同表情，而且成員之間亦會互相觀察同交流。
Avantgardey應要求做出關節痛嘅情景。