金宵大廈深夜重遇奇幻宿世情 陳山聰訪舊地李施嬅憶自紮髮髻

奇幻穿越劇《金宵大廈》近日深夜重播，呢部集愛情、親情同奇情穿越於一身嘅近年賣座好戲，2019年播出時遇上社會運動人心浮沉，不過仍然以充滿希望嘅貼地情節，收穫27點平均收視。

陳山聰近日到金宵大廈嘅原形，行將清拆嘅香檳大廈前留影
近日劇集再播，加上作參考拍攝嘅原形香檳大廈即將清拆重建，男主角陳山聰近日就「故地重遊」，於附近留影喇。
施嬅亦分享當年拍攝時嘅回憶

劇中串連唔同故事嘅金宵夜班管理員阿蕭 陳山聰 同空姐Alex 李施嬅 ，意外勾起塵封嘅宿世情緣，除咗旭輝同Coco一段淒美愛情賺人熱淚，10個單元故事嘅唔同角色都一樣有傑出表現，好似 趙希洛 扮演嘅「何太」，就因愛兒夭折悲傷而至失常嘅演出，一笑一喊都令觀眾揪心，亦為佢贏得年度台慶頒獎禮嘅最佳女配角獎。
Coco同旭輝嘅一段情，串連起金宵大廈嘅奇幻故事

趙希洛演嘅何太憶子成狂，精彩演出為佢奪得最佳女配角

而山聰同施嬅呢對隨世戀人，真摯嘅愛情故事亦感動唔少觀眾，為佢哋帶來最受歡迎電視拍檔獎，而施嬅仲獲得最受歡迎電視女角色、觀眾在民間電視大獎嘅民選最佳女主角、更成為紐約電視電影節嘅最佳女演員優異獎得主。
施嬅亦憑《金宵》令外界大讚佢嘅表現

《金宵大廈》星期一至五晚 23:55、星期六晚 24:30 星期日晚23:35 翡翠台