李克勤為歌舞競技騷賣力搶歌 務求保密表演上演瞞天過海

李克勤有份參與嘅競賽真人Show《披荊斬棘4》迎嚟第四場公演，綜合前三輪公演平均成績，李克勤組全員過關，同時升級為四人部落，再加入一名跳舞高手黃瀟，以全新姿態繼續披荊斬棘。 

李克勤有份參與嘅競賽真人Show《披荊斬棘4》迎嚟第四場公演。

今次公演會進行三場比賽，分別係部落Show，即係各部落需完成一首部落表演；滾燙學長助力show，同學長合力完成表演；最後一項係隊長同滾燙學長合作表演，推選兩位隊長及兩位滾燙學長合作。滾燙學長作為歌曲守關人參與搶歌環節，大家需要通過競技卡對決戰勝幾位學長先可以得到心儀的歌曲。 

李克勤組全員過關，同時升級為四人部落，再加入一名跳舞高手黃瀟。

抽牌時，克勤非常希望可以抽到「X」卡，因為「X」卡可以做最大或最細嘅牌使用，以此獲得比拼優勢，佢仲對抽牌嘅黃瀟話：「如果你抽到X我就要錫你啦！」結果話口未完，黃瀟就抽到「X」卡，克勤成個部落興奮到一齊歡呼慶祝。進入搶歌環節後，幾位哥哥見到克勤亦即時唱起佢嘅經典歌《紅日》向佢打招呼，十分搞笑。經過三輪比賽，克勤一隊最終贏下《X-song》。 

克勤非常希望可以抽到「X」卡，因為「X」卡可以做最大或最細嘅牌使用，以此獲得比拼優勢。

夜晚返到宿舍後，克勤同滾燙學長陳楚生、王櫟鑫傾偈時得知，原來王櫟鑫同俞灝明喺2007年曾唱《紅日》出道，估唔到幾位哥哥之間竟然有咁嘅緣分。除此之外，為保密最後一輪同滾燙學長合作舞台嘅最終比賽歌曲《十字街頭》，克勤部落幾位哥哥用《秋意濃》作為「掩護」，假意練習《秋意濃》唱跳，克勤仲搵到慶怜請教歌詞日文發音，成功瞞天過海！

克勤同滾燙學長陳楚生、王櫟鑫傾偈時得知，原來王櫟鑫同俞灝明喺2007年曾唱《紅日》出道，估唔到幾位哥哥之間竟然有咁嘅緣分。