龍婷魏嘉信獲邀與中樂團為國慶騷表演 丁文俊染灰銀新髮色被誤會係長者

龍婷、丁文俊及魏嘉信呢晚獲邀擔任國慶晚會表演嘉賓，聯同中樂團合作，三位《中年好聲音》歌手獻唱嘅歌曲，更由中樂團重新編曲，為觀眾帶嚟耳目一新嘅感覺。

龍婷、丁文俊及魏嘉信日前為一個國慶活動表演
丁文俊上次大佛倒數活動已同中樂團合作過，魏嘉信話喺揀歌方面都有諗夾唔夾，而龍婷日前有幸同音樂人小蟲老師合唱，佢覺得呢個機會好難得，喺對方身上學到好多嘢。
丁文俊早前因為一頭銀髮，被餐廳職員安排長者優惠

丁文俊上星期染咗灰銀嘅新髮色，早前喺澳門完成工作後，跟爸爸一齊食自助餐慶祝中秋，卻被誤會係長者，丁文俊笑言自己唔太適合呢個咁淺色嘅頭髮。