周殷廷展開School Tour首站 曾鼓勵迷茫少女考上大學獲得啟發

周殷廷（Yan Ting）早前宣佈會展開School Tour義演，鼓勵一眾莘莘學子。YT呢日展開School Tour嘅第一站，親自去中華基督教會扶輪中學，與150位中五、中六生見面，分享奮鬥經歷，並鼓勵學生們追尋夢想。

YT呢日展開School Tour嘅第一站，親自去中華基督教會扶輪中學。
YT分享自己出道點樣叩門嘅經過，同解釋決定展開School Tour嘅原因。原來全因一年前收到此校老師電郵，指有一位女學生唔想讀書，但如果周殷廷叫佢，佢就會讀。YT當時親自去學校鼓勵女學生。一年後，佢喺另一活動上見到對方，對方已考上大學。因為呢件事，令佢得到啟發，有時一句說話有好大力量，決定展開School Tour義演。

頑皮嘅YT即席邀請校長上台一齊合唱，令全場師生齊起哄。校長回禮送上自己創作嘅一首詩予YT作為感謝。
YT獻唱歌曲《晨星》，頑皮嘅YT即席邀請校長上台一齊合唱，令全場師生齊起哄。校長回禮送上自己創作嘅一首詩予YT作為感謝。YT已收到二百多間學校嘅邀請，預計整個School Tour維持一年。而佢喺分享會臨結束前，亦感謝學生畀佢佢啟發，承諾「我們之前紅館見」！

YT已收到二百多間學校嘅邀請，預計整個School Tour維持一年。