袁偉豪同粉絲集郵「插隊」享美食 謝安琪大馬宣傳為甜品瘋狂

馬來西亞一直有唔少支持香港娛樂圈嘅粉絲，眾多藝人赴當地拍攝及宣傳，除咗工作之外，大馬嘅傳統美食都係數一數二，每次都會令人大飽口福，回味無窮，近日袁偉豪同謝安琪（Kay）分別喺當地工作時，同樣為咗美食奔波。

袁偉豪近日帶張寶兒同兒子袁咕碌一家三口飛當地展開連串訪問工作。
袁偉豪近日帶張寶兒（Bowie）同兒子袁咕碌一家三口飛當地展開連串訪問工作，Ben喺等候Bowie同囝囝時，佢喺育嬰室趁機影相記載一吓出Trip嘅行程！

Ben享受家庭樂，兼且帶埋老婆同阿仔去遊歷，最緊要係一齊品嚐大馬美食。
Ben喺當地接受訪問後仲上載相片：「走訪工作之餘，別忘了食在大馬。」工餘後Ben就可以享受家庭樂，兼且帶埋老婆同阿仔去遊歷，最緊要係一齊品嚐大馬美食。另一方面當阿Ben去到其中一間食店時雖然大排長龍，但唔使失望，因為不斷有粉絲同佢集郵，從而可以加快速度「插隊」買到美食，呢個折衷方法果然係行得通！

Kay主演電影《臥底的退隱生活》，日前飛抵吉隆坡出席首映禮同影迷互動。
另外，Kay主演電影《臥底的退隱生活》，獲邀成為亞洲電影大獎學院主辦「香港電影巡禮2024：馬來西亞站」嘅開幕電影，Kay日前飛抵吉隆坡出席首映禮同影迷互動，其後Kay又換上晚裝現身分享會暢談拍攝感受，會上不少記者及影迷好奇Kay為何由歌手跨界挑戰做演員，Kay坦言：「喺旁邊睇張繼聰演員歷程好好睇，令我睇到演戲嘅千變萬化，好有趣，令我好想去經歷，佢每次為一個角色好努力，活出角色嘅生命，然後喺大銀幕上睇到成果，真係令我好感動。」Kay直認深受張繼聰影響而踏上演員之路，不禁笑言自己係「戀愛腦」。

Kay仲特意到訪充滿懷舊風情嘅「鬼仔巷」打卡，又喺景點著名壁畫前跳繩展現少女味。
此外，Kay亦把握機會盡情享受美食，尤其對甜品無法抗拒，最難忘嘅係吉隆坡名物香酥塔餅，Kay仲特意到訪充滿懷舊風情嘅「鬼仔巷」打卡，又喺景點著名壁畫前跳繩展現少女味。

Kay亦把握機會盡情享受美食。