詹瑞文再度回歸舞台 一人分飾八角演繹人生百態

資深演藝人詹瑞文繼今年四月回歸香港舞台後，今年11月將會再次出演《即興之王》，而地點就揀喺佢曾經嘅母校「香港演藝學院」嘅舞台。

資深演藝人詹瑞文今年11月將會再次出演《即興之王》。

被問點解咁迅速安排新一輪演出時，詹Sir就話：「要『跑數』啊！上次演出嗰陣承諾要做足一百場，如果唔多開幾場，點先完成到呢個承諾呢？」 除咗專注舞台劇演出，詹Sir最近喺Gareth.T(湯令山)新歌《偶像已死》MV中出現，佢表示係應MV導演邀請。導演Hanley希望展示詹Sir不同面貌，令觀眾感受到佢更為嚴肅嘅一面。

導演Hanley希望展示詹Sir不同面貌，令觀眾感受到佢更為嚴肅嘅一面。

詹Sir喺整個拍攝過程都感到十分愉快：「一群年輕人都非常有才華而且專業，現場氣氛好好。雖然拍咗廿幾個鐘，但大家都保持著高度的投入，真係令人佩服！」 為咗帶畀觀眾唔一樣嘅感覺，詹Sir更遠赴芬蘭參與靈修之旅，表示將會為觀眾帶嚟一啲新元素，大家千祈唔好錯過！

詹Sir喺整個拍攝過程都感到十分愉快，讚一群年輕人都非常有才華而且專業。